مرض ياسو

مرحبا

كيفكم ؟ بكره الإجازة تشيل عفشها 

ما علينا كل شي لازم ينتهي أصلا

صار عندي سلام داخلي و تقبل للنهايات جدا ، و متقبلة اي شي يصير 

لي فترة و أنا أتكلم عن ان ياسو مو عاجبتني 

دايم منطوية ، ما تاكل زي قبل ، و لا تلعب

كنت مترددة أعرف وش فيها لاني كنت خايفة 

بس بعدين قويت قلبي و رحت وسويت لها تحاليل

للأسف طلعت نتائج تحليلها مخيبة 

ياسو فيها مرض تكيس الكلى (PKD)

هذا المرض وراثي مزمن و يميت القط بعد كم سنة لأنه مرض مزمن ما له علاج

اللي أنا مستغربته إني اشتريتها من كاتيري مفروض يكون إنتاجهم أكثر وعي و دراسة

وأنا اللي كنت فرحانة إن ياسو خالية من الأمراض الوراثية بس طلع كله كذب في كذب

المهم أنا زعلت شوي بس قلت زعلي ماراح يحل شي ولا يغير شي 

كل اللي بيدي اني امشي ع الحمية اللي عطوها الدكاترة وهي قليلة البروتين

وكل اللي أفكر فيه هو حياتها و أعيش معها بسعادة لأن هذا اللي بين ايديني

المهم خلونا نطلع من هالجو الحزين وخلونا نتذكر صور ياسو 

ياسو عندي من كان عمرها ٣ شهور من عام ٢٠١٠ 

عشت معها لحظات سعيدة جدا وكل ما أتذكرها يدغدغني قلبي 

هنا ياسو و عمرها شهر ونصف أول ما شفتها 

أما هنا و عمرها أربع شهور ياااااه

أما هنا عمرها ست شهور 

وهنا ٧ شهور 

١١ شهر أول مرة تطلب 

عمرها سنة ^^

عمرها ٣ سنوات

٤ سنوات

وختامه مسك بوريكم صورتين لياسو لما تدلع وتبي أكل أو تلميس

ترفع يدها ههههههههههه