نبذة

مساء الخير

اوووف الإجازة قربت تخلص

أكره ما عندي هالإجازات التصبيرة ، ما أدري كيف راح أداوم :(

بس انتبهت لشيء ، إني دايم أحدث في الإجازات ههههه

طيب تحديثي هالمرة راح يكون عن قطاقيطنا اللي ننتظر متبنيين ممتازين و محبين و دائمين لهم

كلكم عارفين إن عندنا قطط عرضناهم تبني بس للأسف ما لقينا ناس جادة

فحبيت أعرفكم عليهم عن قرب

نبدأ أولا بقططنا اللي معروضين للتبني الدائم و سميناهم ( العناكب )

سبب التسمية إنهم ملاقيف و ينطون و يتسلقون كل مكان و زاوية هههه

طبعا العناكب الثلاثة الأصليين كلهم انولدوا عندنا وهم بنات سوشي ( قطوة صديقة أختي )

سوشي صاحبتها تخلت عنها و قررنا نتبناها للأبد زي شيلا

بس بناتها عرضناهم تبني لكن ما وجدنا متبنيين محبين إلا لوحدة فقط منهم

أعمارهم الحالية راح يكملون سنتين في أغسطس القادم

راح أتكلم عن شخصية كل وحدة منهم

نبدأ بالعنكبوتة الكبيرة الساحرة ( دوبو )

سبب التسمية لأنها كانت أسمنهم ، و أول وحدة انولدت فكانت صحتها واضحة و حجمها كبير

من يوم وهي صغيرة وهي تلاقي اهتمام من أمها سوشي ، حتى لما كانت سوشي تنقلهم تاخذها و تشيلها أول وحدة

دوبو زيها زي باقي أخواتها مستحيل يطلعون أظافرهم يمشخون لكنها ممكن تبعد اللي يجيها

بس عموما يستلسمون للعلاج و هاديات

دوبو نسخة من سوشي في الطباع ، تحب الاستقلال و ضرب لولي و التبطح ، بصراحة كل العناكب يحبون التمطط و التبطح هههههه بس دوبو أكثرهم

العنكبوت الثاني اسمه ( كيكو )

سميناها كيكو لأن لونها كاليكو هههههه ، ذكاء صح !

كيكو أليييييييفة جدا ، و تحب تسولف واجد بس مياو مياو مياو

أجمل شعر بين أخواتها ، غزير و ناعم 

تحب الانطلاق و الركض و اللعب لكنها مش جريئة

العنكبوت الثالث ( ريتا )

سبب تسميتها بريتا لأنها تشبه أبوها ريتا 

أعجز و أنا أقول حبوووووووبة و مسالمة و هادية

تحب زي الباقيين اللعب و النطنطة 

بس عندها عيب ، شهيتها ضعيفة دايم آخر من ياكل و لا يعجبها العجب

العنكبوت الرابع ( فلافي )

تم تبنيها من زمان و صاحبتها بنت راااائعة و تحبها بجد

و تجيبها تزورنا من فترة لفترة لما تسافر

هي حاليا عندنا ، ماشاء الله فلافي أحلى أخواتها و أسمنهم ههههه

العنكبوت الخامس الشر المستشر الجني العفريت 

زيتوووووووووووونة

زوزو زي ما تدلعها أختي مو من بنات سوشي

زوزو تم إنقاذها من الشارع بيد الحبوبة دانة ، دانة أهلها رفضوا تواجد زيتونة عندها فعطتني إياها أتبناها

تبنيتها بس للأسف سببت لنا حساسية شديدة شديدة جدا 

و أنا كنت المتبنية الثانية لها ، لأن متبنيتها الأولى جت لأمها حساسية منها

و لما سألت لي دانة عن موضوع هالتحسس قالوا لها بسبب لونها لأنها غامقة

و عادة القطط الغامقة تفرز مادة تسبب تحسس أكثر من القطط الفاتحة

عشان كذا عزلتها بغرفة القطط فوق و لا أخليها تختلط بالبيت رغم إنها تحب الناس مرة

زيتونة تم تبنيها للمرة الثالثة لكن للأسف نفس الشيء اللي تبنتها سببت لها تحسس شديد فرجعت عندي

و حاليا ندور لها بيت بس لازم اللي يتبناها ما تكون عنده حساسية

بالنسبة لشخصية زيتونة جنييييييييييية ، مشاغبة و مسيطرة رغم إنها أصغرهم

مرة لقيتها ماسكة راس لولي بيدها و جالسة تاكل لأن لولي تبغى تشاركها فتم إنقاذ لولي من يدها

تضرب الكل من صغيرهم لكبيرهم ، تنط نطات عالية جدا ، تطلع أصوات وهي تاكل ، تحب تنثر الأكل

لما حكيت لدانة عنها قالت عنها بنت شوارع هههههههه

حتى الدراي دايم ألاقيه مقطع كيسه ، فقلت أخبيه بكيس ثاني لكن للأسف ما سلم من أسنانها هههه

شوفوه بالله

لكن رغم كل هذا فهي مضحكة و أليفة

هذا بالنسبة للقطط اللي معروضين للتبني

أما القطين الباقيين فهم غير معروضين لأننا متبنينهم مؤقتا لحد ما ترجع صاحبتهم من سفرها

ميدو و حصة

ميدو مسالم و عشري سهل جدا يختلط بقطط ثانية

لكنه حساس كثير عطس و مايقدر يسكر فمه

أليف و مسالم وهادي ، و يكره التصوير زي دوبو عشان كذا ما أحب أزعجهم فيه

الكيوت حصة أحبها أم خدوووووود 

ما كأنها بيكي فيها شوية جراءة بالنط و التفكير هههه

يعني تقدر تتسلق الأماكن العالية مو زي ميدو و ياسو و الدادا ما يقدرون

و أخيرا ختامه مسك مع صور الدادا بعد الحلاقة

طبعا الدادا غير معروض للتبني أبدا أبدا أبدا لأبد الآبدين